تھانہ باہلک پولیس نے کارروائی کرتے ہوئے 10 کلوگرام سے زائد چرس برآمد کر کے ملزم کو گرفتار کر لیا

فیصل آباد: 17 اکتوبر 2026 (ڈیجیٹل اطلاع): سٹی پولیس آفیسر (سی پی او) فیصل آباد کی ہدایات پر منشیات فروشوں کے خلاف جاری بھرپور کارروائیوں کے سلسلے میں تھانہ باہلک پولیس نے کامیاب چھاپہ مار کارروائی کی ہے۔

تفصیلات کے مطابق ایس ایچ او تھانہ باہلک محمد نواز بھٹی نے پولیس ٹیم کے ہمراہ کارروائی کرتے ہوئے منشیات فروشی میں ملوث ملزم غلام خبیب کو گرفتار کر لیا۔ پولیس نے ملزم کے قبضے سے لاکھوں روپے مالیت کی 10 کلوگرام سے زائد چرس برآمد کر لی ہے۔

پولیس نے گرفتار ملزم کے خلاف مقدمہ درج کر کے منشیات کی سپلائی کے بیک ٹریک سورسز  اور اس کے نیٹ ورک کا سراغ لگانے کے لیے مزید تفتیش کا آغاز کر دیا ہے۔

اس موقع پر سی پی او فیصل آباد نے اپنے بیان میں کہا کہ شہر سے منشیات کے مکمل خاتمے کے لیے جاری مہم کے تحت بھرپور اور سخت کارروائیوں کا سلسلہ بلا تعطل جاری رہے گا، اور منشیات فروش شہر چھوڑنے پر مجبور ہو رہے ہیں۔