جامعہ زرعیہ فیصل آباد اور پنجاب محکمہ جنگلات کے درمیان معاہدہ: تحقیقاتی تعاون اور ماحولیاتی بہتری کے لیے اہم اقدام

فیصل آباد: 19 اکتوبر 2026 (ڈیجیٹل اطلاع): جامعہ زرعیہ فیصل آباد نے وائس چانسلر پروفیسر ڈاکٹر ذوالفقار علی کی قیادت میں پنجاب کے محکمہ جنگلات کے ساتھ مشترکہ تحقیقاتی پراجیکٹس، جنگلات کی ترقی اور پائیدار طریقوں کے فروغ کے لیے ایک مفاہمت کی یادداشت  پر دستخط کیے ہیں۔ محکمہ جنگلات کے وفد کی قیادت محمد ثاقب نے کی۔

معاہدے کے تحت جامعہ زرعیہ فیصل آباد اپنی سائنسی مہارت اور محققین کی خدمات فراہم کرے گا تاکہ مختلف پودوں کی ترویج، جنگلات کی بہت بہتری اور درختوں کی بیماریوں کے سدباب کے لیے تحقیقی بنیادوں پر اقدامات کیے جا سکیں۔

اس شراکت داری کا بنیادی مقصد خطے میں حیاتیاتی تنوع (بائیو ڈائیورسٹی) کو فروغ دینا، ماحول کو بہتر بنانا، موسمیاتی تبدیلیوں کے اثرات سے نمٹنے کی صلاحیت بڑھانا اور سائنسی تحقیق اور وسائل کے بہتر استعمال کے ذریعے پائیدار قومی ترقی میں مدد دینا ہے۔ وائس چانسلر پروفیسر ڈاکٹر ذوالفقار علی اور محکمہ جنگلات کے نمائندے نے اس موقع پر اس بات پر زور دیا کہ ماحولیاتی چیلنجز سے نمٹنے اور پاکستان کے ایک سرسبز مستقبل کے لیے ادارہ جاتی تعاون انتہائی اہمیت کا حامل ہے۔