فیصل آباد: 11 نومبر 2026 (ڈیجیٹل اطلاع) تھانہ گڑھ پولیس نے زرعی اراضی سے لاکھوں روپے مالیت کی قیمتی فصل چوری کرنے کی واردات میں ملوث 2 ملزمان کو گرفتار کر لیا ہے۔
تفصیلات کے مطابق ملزمان رحمت اور امجد علی نے ایک مقامی شہری کی زمین پر کاشت شدہ لاکھوں روپے کی قیمتی فصل چوری کر لی تھی۔ واقعے کی اطلاع ملتے ہی تھانہ گڑھ پولیس نے پیشہ ورانہ حکمتِ عملی سے کارروائی کرتے ہوئے دونوں ملزمان رحمت اور امجد علی کو حراست میں لے کر ان کے خلاف قانونی کارروائی کا آغاز کر دیا ہے۔
ترجمان فیصل آباد پولیس کے مطابق سٹی پولیس آفیسر (سی پی او) فیصل آباد تنویر حسین نے واقعے پر ردِعمل دیتے ہوئے کہا کہ شہریوں کی ملکیت اور قیمتی اثاثوں کا نقصان کسی صورت برداشت نہیں کیا جائے گا۔ انہوں نے ہدایت کی کہ زراعت اور تجارتی مال کو نقصان پہنچانے والے مجرمان کے خلاف سخت قانونی اقدامات بلا امتیاز جاری رکھے جائیں۔
تازہ ترین پوسٹس
