دنیا بھر میں 1 ارب 18 کروڑ سے زائد افراد نفسیاتی مسائل کا شکار: جامعہ زرعیہ میں 'ورلڈ مینٹل ہیلتھ ڈے' پر سیمینار کا انعقاد

فیصل آباد: 19 اکتوبر 2026 (ڈیجیٹل اطلاع): جامعہ زرعیہ فیصل آباد  کے نیشنل انسٹیٹیوٹ آف فوڈ سائنس اینڈ ٹیکنالوجی (نفسات) کے زیرِ اہتمام عالمی یومِ ذہنی صحت کے موقع پر "مضبوط ذہن، روشن مستقبل" کے عنوان سے ایک خصوصی آگاہی سیمینار کا انعقاد کیا گیا۔ سیمینار میں بتایا گیا کہ دنیا بھر میں تقریباً 1 ارب 18 کروڑ 60 لاکھ افراد ذہنی اور نفسیاتی امراض میں مبتلا ہیں، جن میں تشویش (اینگزائٹی) اور ڈپریشن کے مریض سب سے زیادہ ہیں۔

سیمینار سے خطاب کرتے ہوئے فیصل آباد میڈیکل یونیورسٹی کے شعبہ سائیکاٹری اینڈ بیہیویئرل سائنسز کے چیئرمین ڈاکٹر امتیاز ڈوگر نے کہا کہ ذہنی صحت ایک متوازن اور فعال زندگی کے لیے بنیادی اہمیت رکھتی ہے۔ انہوں نے زور دیا کہ نفسیاتی مسائل کو سوشل ٹیبو (معاشرتی عیب) سمجھنے کے بجائے بروقت ماہرین سے رجوع کیا جانا چاہیے تاکہ خاموشی سے سوگوار رہنے کے بجائے علاج ممکن ہو سکے۔

ڈیپارٹمنٹ آف فوڈ سائنسز کے ڈی ن ڈاکٹر عمران پاشا، ڈائریکٹر جنرل نفسات ڈاکٹر عیسیٰ خان، اور ڈاکٹر احمد دین نے خطاب کرتے ہوئے کہا کہ جسمانی صحت کی طرح ذہنی صحت پر بھی مساوی توجہ دینی چاہیے۔ انہوں نے معاشرے میں بڑھتے ہوئے تناؤ اور ذہنی دباؤ سے نمٹنے کے لیے ہمدردانہ رویے، عوامی آگاہی اور باہمی تعاون کی ضرورت پر زور دیا۔ سیمینار کی آرگنائزر مریم جلال نے کہا کہ ایک صحت مند ذہن ہی درست فیصلوں اور ذاتی ترقی کا ضامن ہوتا ہے۔