سمندری روڈ پر افسوسناک حادثہ: موٹر سائیکل سے گر کر 41 سالہ خاتون جاں بحق

دالو وال اسٹاپ کے قریب حادثہ پیش آیا، میت ٹی ایچ کیو ہسپتال منتقل

جاں بحق خاتون شکیلہ کی رہائش چک نمبر 466 گ ب سمندری تھی

 پولیس موقع پر پہنچ گئی، قانونی کارروائی شروع

فیصل آباد: 27 اکتوبر (ڈیجیٹل اطلاع) — سمندری روڈ پر دالو وال اسٹاپ کے قریب موٹر سائیکل سے اچانک گرنے کے باعث 41 سالہ خاتون موقع پر ہی جاں بحق ہو گئیں۔

ریسکیو 1122 فیصل آباد کے مطابق، متوفیہ کی شناخت 41 سالہ شکیلہ زوجہ محمد انور کے نام سے ہوئی ہے، جن کا تعلق چک نمبر 466 گ ب سمندری سے تھا۔ حادثے کی اطلاع ملتے ہی ریسکیو 1122 کی ٹیموں نے موقع پر پہنچ کر امدادی کارروائی شروع کی اور میت کو تحصیل ہیڈ کوارٹر (THQ) ہسپتال سمندری منتقل کر دیا۔

متعلقہ پولیس نے جائے حادثہ پر پہنچ کر ریسکیو آپریشن مکمل ہونے کے بعد قانونی کارروائی کا آغاز کر دیا ہے۔