این سی سی آئی اے فیصل آباد سرکل کا سائبر مسائل کے حل کے لیے کھلی کچہری کا انعقاد، شہریوں کی شکایات پر موقع پر احکامات جاری

فیصل آباد: 21 اکتوبر (ڈیجیٹل اطلاع) نیشنل کاؤنٹر کرائم انویسٹی گیشن ایجنسی فیصل آباد سرکل کی جانب سے عوام الناس کے سائبر کرائم اور آن لائن فراڈ سے متعلق مسائل و شکایات کے فوری حل کے لیے کھلی کچہری کا انعقاد کیا گیا۔

کھلی کچہری کے دوران شہریوں نے آن لائن مالیاتی فراڈ، ہراسمنگی، سوشل میڈیا اکاؤنٹ ہیکنگ اور دیگر سائبر جرائم سے متعلق اپنی شکایات براہ راست حکام کے سامنے پیش کیں۔ متعلقہ افسران نے سائلین کے مسائل تفصیلی طور پر سنے اور متعدد درپیش درخواستوں پر فوری قانونی کارروائی و حل کے احکامات جاری کیے۔

اس موقع پر حکام نے گفتگو کرتے ہوئے کہا کہ عوام کو سائبر جرائم سے تحفظ کی فراہمی اور ان کی شکایات پر بلا تاخیر و فوری انصاف یقینی بنانا ایجنسی کی اولین ترجیح ہے۔ انہوں نے شہریوں کو آن لائن سیفٹی تدابیر اپنانے اور کسی بھی سائبر فراڈ کی صورت میں فوری رپورٹ کرنے کی بھی ہدایت کی۔