فیصل آباد: 17 اکتوبر 2026 (ڈیجیٹل اطلاع): ضلع بھر میں منشیات کے خاتمے اور ڈیلرز کے خلاف جاری بلا امتیاز مہم کے تحت تھانہ سٹی جڑانوالہ پولیس نے اہم کامیابی حاصل کرتے ہوئے 3 منشیات فروشوں کو گرفتار کر کے بھاری مقدار میں منشیات برآمد کر لی۔
تفصیلات کے مطابق، ایس ایچ او تھانہ سٹی جڑانوالہ نے پولیس ٹیم کے ہمراہ علاقے میں ایک باقاعدہ چھاپہ مار کارروائی کی، جس کے نتیجے میں تین ملزمان اختر علی، اعجاز اور محمد نعیم کو موقع پر ہی گرفتار کر لیا گیا۔
پولیس نے ملزمان کے قبضے سے مجموعی طور پر 13 کلو گرام اعلیٰ کوالٹی چرس برآمد کر لی ہے۔ پولیس نے تمام ملزمان کے خلاف انسدادِ منشیات کی سخت دفعات کے تحت مقدمات درج کر کے منشیات کی سپلائی لائن کے حوالے سے مزید تفتیش کا آغاز کر دیا ہے۔
schedule
Latest Posts
