کولون: 15 اکتوبر 2026 (ڈیجیٹل اطلاع) جرمنی کے شہر کولون میں ایک انوکھا اور تشویشناک واقعہ سامنے آیا ہے جہاں ایک روبوٹ کے ذریعہ 16 سالہ لڑکی کو مبینہ طور پر جنسی ہراسانی کا نشانہ بنایا گیا۔ کولون پولیس نے فوری کارروائی کرتے ہوئے روبوٹ کو تحویل میں لے کر واقعے کی باقاعدہ تحقیقات شروع کر دی ہیں۔
کولون پولیس کے مطابق یہ واقعہ ہفتے اور اتوار کی درمیانی شب پیش آیا۔ ابتدائی تحقیقات کے مطابق، الزام ہے کہ روبوٹ کے 16 سالہ مشتبہ مالک اور اس کے 19 سالہ ساتھی نے اس پورے واقعے کی ویڈیو ریکارڈ کی۔
پولیس رپورٹ میں مزید بتایا گیا ہے کہ دونوں نوجوانوں نے مبینہ طور پر اس ناخوشگوار واقعے کو انٹرنیٹ پر براہِ راست (لائیو اسٹریمنگ) نشر بھی کیا اور اس دوران نازیبا تبصرے کرتے رہے۔ پولیس نے واقعے میں ملوث نوجوانوں کے خلاف قانونی چارہ جوئی اور ڈیجیٹل ثبوتوں کا جائزہ لینا شروع کر دیا ہے۔
تازہ ترین پوسٹس
