فیصل آباد: 9 نومبر 2026 (ڈیجیٹل اطلاع) تھانہ سمن آباد پولیس نے گھریلو ناچاقی پر اپنے ہی حقیقی بھائی پر شدید تشدد کر کے اس کی آنکھ کی بینائی ضائع کرنے والے 2 ملزمان کو گرفتار کر لیا ہے۔
تفصیلات کے مطابق ملزمان سلطان اور عبدالوحید نے گھریلو تنازع اور ناچاقی کی بناء پر اپنے حقیقی بھائی رمضان پر بے دردی سے تشدد کیا۔ ملزمان کی شدید مار پیٹ کے نتیجے میں متاثرہ شہری رمضان کی ایک آنکھ شدید متاثر ہوئی اور اس کی بینائی ضائع ہو گئی۔ واقعے کی اطلاع ملتے ہی ایس ایچ او تھانہ سمن آباد محمد شاہد نے پولیس ٹیم کے ہمراہ کارروائی کرتے ہوئے دونوں ملزمان سلطان اور عبدالوحید کو گرفتار کر لیا۔
ترجمان فیصل آباد پولیس کے مطابق گرفتار ملزمان کے خلاف قانونی مقدمہ درج کر کے تفتیش کا آغاز کر دیا گیا ہے۔ سی پی او فیصل آباد تنویر حسین نے واقعے پر برہمی کا اظہار کرتے ہوئے واضح کیا کہ شہریوں پر تشدد اور قانون ہاتھ میں لینے کی کوشش کسی صورت برداشت نہیں کی جائے گی۔
تازہ ترین پوسٹس
