دی ڈویژنل پبلک اسکول اینڈ کالج: ہیڈ بوائے اور ڈائریکٹ ڈپٹی ہیڈ بوائے کے الیکشن کے لیے امیدواروں کے انٹرویوز

فیصل آباد: 26 اکتوبر (ڈیجیٹل اطلاع): دی ڈویژنل پبلک اسکول اینڈ کالج  میں کالج سیکشن کے ہیڈ بوائے اور ڈپٹی ہیڈ بوائے کے آئندہ انتخابات کے لیے امیدواروں کے انٹرویوز کا انعقاد کیا گیا، جس کی سرپرستی پرنسپل عالیہ ایوب چٹھہ نے کی۔

تفصیلات کے مطابق پرنسپل عالیہ ایوب چٹھہ نے ان اہم اور باوقار عثراتی عہدوں کے لیے امیدواروں کا جائزہ ان کے خود اعتمادی، کمیونیکیشن اسکلز، احساسِ ذمہ داری اور قیادت (لیڈرشپ) کی صلاحیتوں کی بنیاد پر لیا۔ انٹرویوز کے دوران انہوں نے امیدواروں کی صلاحیتوں کو پرکھا اور بہترین نمائندوں کا انتخاب کیا۔

پرنسپل عالیہ ایوب چٹھہ نے امیدواروں سے گفتگو کرتے ہوئے انہیں ہدایت کی کہ وہ اپنی صلاحیتوں کو بروئے کار لائیں، پیش قدمی کریں اور اپنی لیڈرشپ کوالٹیز میں مزید نکھار لائیں۔ انہوں نے نظم و ضبط، ایمانداری، ٹیم ورک اور ذمہ داری کی اہمیت پر زور دیتے ہوئے کہا کہ ایک بااثر اور فعال اسٹوڈنٹ لیڈر وہی ہے جو ادارے کے وقار میں اضافہ کرے اور اپنے دیگر ساتھیوں کے لیے مشعلِ راہ بن سکے۔