کھرڑیانوالہ جندوالی روڈ پر رکشہ اور موٹر سائیکل میں خوفناک تصادم، ایک شخص جاں بحق، ایک شدید زخمی

فیصل آباد: 31 اکتوبر 2026ء (ڈیجیٹل اطلاع) — فیصل آباد میں کھرڑیانوالہ سے جندوالی روڈ پر صداقت مل بائی پاس کے قریب نامعلوم رکشہ اور موٹر سائیکل کے درمیان خوفناک تصادم کے نتیجے میں ایک شخص جاں بحق جبکہ دوسرا شدید زخمی ہو گیا۔

تفصیلات کے مطابق یہ افسوسناک حادثہ صداقت مل بائی پاس کے قریب اس وقت پیش آیا جب تیز رفتار نامعلوم رکشے اور موٹر سائیکل میں شدید ٹکر ہو گئی۔ حادثے کے نتیجے میں موٹر سائیکل پر سوار 35 سے 40 سالہ دانش زخموں کی تاب نہ لاتے ہوئے موقع پر ہی جاں بحق ہو گیا، جبکہ اس کا 35 سے 40 سالہ ساتھی قیصر ولد وزیر حسین سر پر شدید چوٹیں آنے کے باعث گہرے زخمی ہو گیا۔

واقعے کی اطلاع ملتے ہی ریسکیو 1122 فیصل آباد کی ٹیم نے فوری طور پر جائے حادثہ پر پہنچ کر امدادی کارروائیاں شروع کیں۔ ریسکیو اہلکاروں نے جاں بحق ہونے والے دانش کی لاش کو رورل ہیلتھ سنٹر (RHC) کھرڑیانوالہ منتقل کر دیا، جبکہ سر کی چوٹ کے باعث تشویشناک حالت میں مبتلا زخمی قیصر کو ابتدائی طبی امداد کے بعد الائیڈ ہسپتال فیصل آباد منتقل کر دیا گیا۔ حادثے کے بعد رکشہ ڈرائیور موقع سے فرار ہونے میں کامیاب ہو گیا جس پر مقامي پولیس نے قانونی کارروائی اور تفتیش کا آغاز کر دیا ہے۔